Euskarak bizi duen egoera eta aurreikusten zaion etorkizuna izan zituen mintzagai atzo, Euskararen Egunean, Eneritz Albizu UEMAko teknikariak Aizarnazabalen. Lauburu eraikinean eskaini zuen hitzaldian, galdera bikoitza erantzun zuen Albizuk: euskarari dagokionez, non gaude eta nora goaz?
Gauean, bestalde, Irati filma eman zuten gaztetxean, 20:30ean hasita. Hainbat lagunek afaria eraman zuten, eta elkarrekin ikusi zuten Paul Urkijoren pelikula.
