Adinekoen Eguna ospatuko dute etzi, igandea, Aizarnazabalen. 12:30erako jarri dute eguneko lehen hitzordua: meza. Elizkizuna amaitutakoan, Muniosoro erretegira joango dira parte hartzaileak bazkaltzera, eta han Eugenia Odriozola eta Juan Etxabe herritarrak omenduko dituzte.
Bazkalosterako, berriz, festarako giroko ekintzak izango dira. Batetik, bertsolariak arituko dira bertsotan, eta bestetik, dantza saioa izango da. Udalak azaldu duenez, bazkaltzera joateko eta handik itzultzeko autobusak egongo dira.