Bi lagun zauritu dira gaur, osteguna, Aizarnazabalgo Etxabe auzoan 15:00ak aldera bi autok izan duten istripuan. Zaurituetako bat gunean bertan artatu badute ere, bestea Donostia ospitalera eraman dute.
GI-2633 errepidean jazo da ezbeharra, Iraetarako noranzkoan. Errepidea zenbait minutuz itxita egon bada ere, dagoeneko zabaldu dituzte bi noranzkoetako erreiak trafikoarentzat.