Erremontari Herriz Herri txapelketa abiatu zuten atzo, larunbata, Aizarnazabalgo Atari Soro pilotalekuan. 17:00etan hasita, binakako bi partida ikusteko aukera izan zuten pilotazaleek: lehen partidan, Segurola eta Gurrutxaga aizarnazabaldarrak izan ziren aurrez aurre; Segurolak Apezetxearekin osatu zuen bikoa, eta Gurrutxagak, berriz, Zaldua I.arekin. Gurrutxaga eta Zaldua I.a nagusitu ziren; 15-3 galdu zuten lehen seta, baina beste biak irabazi zituzten: 10-15 eta 7-8.
Bigarren norgehiagokan, Ansa II.ak eta Azpirozek Ezkurra II.aren eta Barrenetxea IV.aren aurka jokatu zuten. Ezkurra II.a eta Barrenetxea IV.a nagusitu ziren; lehen seta 9-15 irabazi zuten, bigarrena 15-7 galdu, eta azkena 7-8 irabazi.
Bigarren neurketako pilotarien irudia. (Oriamendi)