Jan Sano eta Bizi Pozik azoka egingo dute beste urte batez Aizarnazabalen, eta postua jartzeko interesa dutenek apirilaren 8ra arte izango dute izena emateko azken eguna. Aizarnazabalgo Udalak jakinarazi duenez, ekainaren 1ean, larunbatez, egingo dute aurten azoka. Urtero legez, azokara joaten direnek lehen sektoreko bertako ekoizleen zein artisauen produktuak erosteko aukera izango dute goiz osoan zehar.
Hala, azokan postua jarri nahi dutenek 634 95 40 86 telefono zenbakira deitu behar dute, edota alkatetza@aizarnazabal.eus helbidera mezua idatzi.