Mugak eta zaintza: adostasuna arlo fisikotik izeneko tailerra antolatzeko proposamena jaso du Aizarnazabalgo Udalak. Ikastaro horren helburu nagusia, dinamika eta ariketa praktikoekin esperimentatzea eta besteekiko komunikazioa hobetzea dira.
Tailerrean izena emateko epea zabalik dago otsailaren 16ra arte. Izena Aizarnazabalgo Liburutegian eman behar da.
Tailerraren antolatzaileek azaldu dutenez, kontaktu dantzatik lan eginez hainbat galdera landuko dituzte saioetan, besteak beste, honako galderak landuko dituzte: "Zeintzuk dira nire mugak eta nola komunikatzen ditut? Nola hobetu dezaket nire entzumena? Zein da nire ardura nire ingurua zaintzeari dagokionez? Nola ulertzen dut baimena?".