Manex Beristain azpeitiarrak heriotzaren eta doluaren inguruko bere azken lana aurkeztuko du ostiralean Aizarnazabalen: Azken galdera amari. 18:00etan hasiko da aurkezpena, Lauburun.
Heriotzaren eta doluaren inguruan kontzientzia sortzea eta horiek lantzeko tresnak ematea du helburu ipuinak. Egilearen beraren eta familiaren bizipen pertsonaletik sortutako lana da: "Ekain eta bere amaren arteko maitasun istorio gordina bezain samurra", dela dio egileak. Haurrei nahiz helduei zuzendutako ipuina da, baina haurrak heldu batekin joatea komeni da.