Zoru pelbikoa indartzeko lehen saioa egin zuten atzo arratsaldean Aizarnazabalgo Mugimendu Feministak antolatutako ikastaroan. Amaia Zendoia fisioterapeutak dinamizatu zuen saioa eta gaiaren inguruko teoria zein praktika lantzeko aukera izan zuten parte hartu zuten lagunek.
Herritar asko izan ziren aurretik izena eman zutenak, eta antolatzaileek soinketa gelara lekualdatu behar izan zuten ikastaroa. 18an, larunbatez, egingo dute bigarren eta azken saioa.
