Ibarluzea-Garaño eta Irribarria-Cuairan bikoteak eskuratu zuten garaipena atzo arratsaldean Atari Soro pilotalekuan. 17:00etatik hasita Bankoa Diario Vasco 2023 txapelketaren final zortzirenetako bi partidu ikusteko aukera izan zuten zaleek, senior mailakoa eta promesa mailakoa.
Alde batetik, promesa mailan, Ibarluzeak eta Garañok osatutako bikotea 22-13 gailendu zen Gorostidik eta Leonetek osatutako bikotearen aurrean. Bestetik, senior mailan, lehia estu baten ondoren Irribarria-Cuairan bikotearentzat izan zen garaipena; 22-21 amaitu zen Senarren eta Gabirondoren aurka jokatutako norgehiagoka.