Herriko Mugimendu Feministak antolatuta, Emakumeen Binakako Pala Txapelketa jokatuko dute Aizarnazabalen maiatzean eta ekainean. Herriko plazan jokatuko dituzte partidak, eta finala ekainaren 23an izango da.
Aste honetan ireki dute txapelketan parte hartu nahi dutenentzat izen ematea, eta apirilaren 28ra arte izango da izena emateko aukera. Izen ematea banaka zein bikoteka egiteko aukera eman dute antolatzaileek; banaka apuntatzen diren emakumeekin bikoteak osatuko dituzte ondoren. Udaletxe azpian jarri dute izena emateko orria
Edozein zalantza argitu edota informazio gehiago behar dutenek Aizarnazabalgo Mugimendu Feministaren kideengana jo dezakete, edo 615 00 30 13 telefono zenbakira deitu (Ainhoa).