Edinorren TEK eredua duen tokiko energia komunitatea eratu dute Aizarnazabalen. Eredu horrek energia berriztagarrien autokontsumo partekatua du oinarrian. Energia hori sortzeko instalazio fotovoltaikoak udalak utzitako eraikinetan jarriko dituzte; esaterako, eskolan edota pilotalekuan. Tokiko energia komunitateko bazkide izateko aukera energia sortzeko instalazio horietatik mila metrora daudenek izango dute, zero kilometroko energia eta %100 berriztagarria dena kontsumituz, eta elektrizitate fakturan %25eko murrizketa izanik.
Guzti horren gaineko informazioa eta argibideak emateko, otsailaren 21erako (asteartea) bilera informatiboa antolatu du Aizarnazabalgo Udalak. Batzarra Lauburu eraikineko proiekzio gelan izango da, 18:00etan hasita.