Administrazioa zugandik gertu programaren barruan, ikastaroa antolatu dute Aizarnazabalen urtarrilaren 24rako, asteartea. Ikastaroan, besteak beste, ziurtagiri elektronikoa eta Cl@ve sistema erabiltzen irakatsiko dute; izan ere, sistema horrek zerbitzu publikoetara edonon eta edonola sartzeko aukera ematen du, hala nola SEPEn, Gizarte Segurantzan eta Trafikoan.
Hilaren 24an, 09:30etik 11:30era bitartean eskainiko dute ikastaroa Lauburu liburutegian, eta Aizarnazabalgo Udalak herritar guztiak animatu ditu ikastaroan parte hartzera. Erakundeak azaldu du printzipioz ez dela izenik eman beharko ikastaroan parte hartzeko. "Etortzen diren guztiak ongietorriak izango dira".