Beñat Segurola aizarnazabaldarrak eta Iban Larrañaga azkoitiarrak Binakako Erremonte Txapelketa irabazi zuten joan zen ostegunean, eta egindako lorpena aitortu zioten larunbatean herritarrek Segurolari, Aizarnazabalen.
Txapela jantzita, udaletxe aurrean jaso zuen omenaldia erremontistak. Lehendabizi, aurreskua egin zioten Segurolari, eta bertso bat kantatu ostean, lora sorta bat jaso zuen aizarnazabaldarrak. Hainbat herritar elkartu ziren ekitaldian, eta udalaren arabera, aitortza "xumea bezain polita" egin zioten txapeldunari.