Lan istripua gertatu da gaur eguerdian Aizarnazabalgo enpresa batean, eta langile batek min hartu du. Etxezarreta industrialdeko lantoki batean jazo da ezbeharra. Bi anbulantzia eta Ertzaintzaren patruila bat bertaratu dira.
Polizia iturriek ez dute zehaztu istripua nola gertatu den. Zauritutako beharginak konorterik ez duela galdu baieztatu dute, eta Donostia Ospitalera eraman dute.