Giro ederrean ari dira ospatzen Aizarnazabalen Samiel Txiki eguna. Atzo ekin zieten jaiari herrian, goizean umeen krosa izan baitzen, eta, arratsaldean, eskuzko zein palazko pilota finalak, batukada zein afaria. Bezperan egin moduan, gaur ere gogotik ari dira gozatzen jaiez. Eguerdian, meza eta altxorraren bila egin dituzte, eta bazkalostean, Tor magoaren ikuskizunaz gozatzeko aukera izan dute herritarrek. DJ Pajaritoren emanaldiarekin, hurrengo urtera arte agurtuko dituzte jaiak aizarnazabaldarrek.
(Argazkiak: Haritz Gorriti)