Samiel Txiki jaiak ari dira ospatzen egunotan Aizarnazabalen. Atzo, esaterako, egun osoan zehar hainbat ekintza egiteko parada izan zuten hango bizilagunek. Goizean umeen krosa izan zen, eta arratsaldean, berriz, eskuzko eta palazko pilota txapelketetako finalak izan ziren Atari Soro pilotalekuan. Ondoren, batukada aritu zen giroa alaitzen. Egunari bukaera, berriz, bertso afariarekin eman zioten herritarrek.
Gaur, San Miel Txiki eguna izanik, beste hainbat egitasmo izango dira. 12:00etan meza egingo dute, eta 12:30ean altxorraren bila aritu ahal izango dute gaztetxoenek. Arratsaldean, berriz, Tor magoaren ikuskizuna eta DJ Pajaritoren emanaldia izango dira.
(Argazkiak: Arnaitz Rubio Aprea)