Udalekuetarako aurrez izena emateko epea itxita, dagoeneko martxan da ohiko izen-ematea. Aizarnazabalgo Udalak adierazi duenez, maiatzaren 11ra arte izango da horretarako aukera. Izen-emate orriak liburutegian eskuratu ahal izango dira egunotan.
Bestalde, udalekuetan begirale lanak egin nahi dituzten gazteekin lanpoltsa osatzeko asmoa du erakundeak, eta horiek honako lotura honetara igo ditzakete beren curriculumak; hilaren 11 izango da horretarako azken eguna.
Begirale aritu nahi duten herritarrek gutxienez 18 urte izan beharko dituzte, eta begirale titulua edukitzea edo begirale gisako lanetan eskarmentua izatea baloratu egingo dute.