Igande honetan, martxoak 13, Aldatzen Laguntzen antzerki taldeak Birritan bortxatua antzezlana eskainiko du Aizarnazabalgo Gaztetxean, 19:30ean hasita. Saioa Royo eta Ion Martinez dira antzezlaneko aktoreak, eta istorioa fizkiozkoa bada ere, benetako gertaera batzuetan oinarritzen da obra; hain zuzen ere, bortxaketa jasan duen Nagore da antzezlaneko protagonista. Erasoari eta horren ondorio zailei nola aurre egiten dien erakusten da obran, baita epaiketa nola bizi duen ere.
Antolatzaileek adierazi dutenez, saiora joateko ez da aurrez sarrerarik eskuratu beharko, nahikoa izango da egunean bertan gaztetxera agertuta. Doakoa izango da.