Aizarnazabalgo Kirol Batzordeak hainbat ekintza antolatu ditu uztailerako, eta horietako bat atzo, larunbata, egin zuten. Hain zuzen ere, bola-jokoa ezarri zuten herrian, eta 18:30 eta 20:00 bitartean adin guztietako hainbat herritarrek parte hartu zuten bertan. Horrez gain, slackline zinta ere ezarri zuten, eta aizarnazabaldarrek beren oreka proban jarri zuten herritarren aurrean.
Hurrengo kirol ekintza uztailaren 18an izango da, mendi ibilaldia prestatu baitu Kirol Batzordeak. Ibilaldiaren ezaugarriak eta xehetasun guztien berri laster jakinaraziko dutela azaldu dute.
(Argazkiak: Aizarnazabalgo Kirol Batzordea)