Ertzaintzak Aizarnazabalgo Zubialde auzoan gertatutako ezbeharra ikertzen jarraitzen du. Etxabeko eta Zubialdeko zabor guneak prezintatuta ditu Ertzaintzak, eta ikerketa lanak amaitu bitartean bi guneek itxita jarraituko dute. Aizarnazabalgo Udalak jakinarazi du gune horietan zaborrik ezin dela bota.
Hori dela eta, udalak Etxabeko eta Zubialdeko biztanleei eskatu die zaborrak herriko plazan dagoen ekarpen gunera eraman behar dituztela. Udalak adierazi du ohar bidez emango duela berri zaborra bi gune horietan botatzeko modua sortzen denean.