Aizarnazabalgo Udalak argindarraren kontsumoa murrizteko LED argiak jarri ditu Atari Soro pilotalekuan. Energiaren Euskal Erakundeak dirulaguntza eman dio udalari pilotalekuko argi horiek alda zitzan; lanen aurrekontua, 5.744,80 eurokoa izan da, eta udalak 949,55 euroko laguntza jaso du. Atari Soron, guztira, 29 proiektore aldatu dituzte, eta horietatik sei plazara begira jarri dituzte, eta gainontzekoak pilotalekuaren barruan.