Aizarnazabalgo Udalak herriko taldeek dirulaguntza eskatzeko epea ireki du, eta taldeek horretarako aukera izango dute martxoaren 23a bitartean. Eskaera udaletxeko bulegoan egin daiteke edota Aizarnazabalgo Udalaren webgunearen bidez, aizarnazabal.eus.
Udal dirulaguntzen araudiaren arabera, honako arloren baten sustapenean aritzen diren herriko elkarte denei zuzenduta dago deialdia: kirola, kultura, irakaskuntzaren kalitatea, euskararen erabilera, herritarren parte hartzea eta boluntariotza, garatu gabeko herrialdeetan lankidetza proiektuak, adinekoen dinamizazioa, kohesio soziala, emakume eta gizonen arteko berdintasuna, gizarte elkarteak, ingurumen hezkuntza eta kontzientziazioa edota enpleguaren sorrera.
Laguntza eskaera egoitza eta jardun eremua Aizarnazabalen duten elkarteek egin dezakete. Salbuespen gisa onartuko dituzte eskaera egiteko, nahiz eta Aizarnazabalen ez izan egoitza, beren jardun eremua herrian duten elkarteak.