Guraso Eskolak egin dituzte Aizarnazabalen azken bi urteetan eta eskola horien jarraipen gisa, Guraso Aholkularitza zerbitzua eskaintzen ari dira joan den urritik. Hilean behin eskaintzen dute zerbitzu hori, eta gaur, astelehena, izango da martxoko saioa, 18:00etatik 19:30era, Basakaitz herri eskolan.
Aholkularitza zerbitzua jaso nahi duten familiek aurrez egin beharko dute heziketarekin loturiko kontsulta pertsonalak egiteko eskaera.