Asteartea izanagatik, ekintzaz beteriko eguna izango dute bihar, ekainak 11, Aizarnazabalen. Batetik, San Kristobal Txiki eguna ospatuko dute; 18:00etan, meza izango da Zehazko ermitan, eta ondoren, mokadua egingo dute han bildutakoek. Bestetik, Gipuzkoako Erlojupeko Txapelketak jokatuko dituzte herrigunean: junior mailan, Joxe Larrarteren oroimenezko proba egingo dute, eta elite mailan eta 23 urtez azpikoen kategorian, Gervaisen memoriala jokatuko dute. 19:00etan hasiko dira txirrindularitza probak.