Altuna aizarnazabaldarra eta antolatzaileak, mantarekin. (Aipe elkartea)
Joan zen ostiralean hasi ziren uztarri motzeko idi demak Aizarnazabalen, eta Irarreta, Artola oiartzuarra eta Lopategi lehiatu ziren lehen saio hartan. Zapatuan, berriz, Mendigoiti eta Altzuarren eibartarrek, Bixkiak errezildarrak eta Usazpi berritxuarrak parte hartu zuten, eta atzo, astelehena, izan zen azken saioa; Txokolate errezildarra, Isidro Erretegia azkoitiarra eta Altunaizan ziren orduan. Demen irabazle Unai Egañak HITZAri adierazi dionez, "zaila" zuten garaipena eskuratzea, bigarren postuan geratu den Irarretak ostiralean lortutako emaitzengatik eta atzo egin zuen giro umealarengatik. "Justu-justu" izan bazen ere, errenteriarraren emaitza gainditzea lortu aizarnazabaldarrak. Bestalde, Aizarnazabalgo demetan lehen sei postuetan sailkatu diren demalariak ekainaren 15ean Elgoibarren jokatuko duten demetan lehiatuko dira.
Duela 12 urte sortu zen Aipe elkartea, eta ordutik urtero antolatzen du taldeak uztarri motzeko idi dema. Demalariek idi bakarrarekin jokatzen dituzte uztarri motzeko probak, eta antolatzaileek adierazi dutenez, gisa horretara jokatzen diren Euskal Herriko dema bakarrak dira Aizarnazabalgoak. Taldeak, bestetik, kintopeko idi demak antolatuko ditu uztailean.