- 80 egunean (Jose Mari Goenaga eta Jon Garaño, 2010). 22:00etan, plazan.
- Amama (Asier Altuna, 2015). 22:00etan, Ermitta plazan.
- Zigortzaileak (Arantza Ibarra eta Alfonso Arandia, 2009). 22:00etan, plazan.
Hirugarren urtez jarraian, Zinea Kalean egitasmoa antolatu dute, uztaileko asteazkenetarako. Euskarazko hiru film emango dituzte: '80 egunean', 'Amama' eta 'Zigortzaileak'.
'80 egunean' filmaren kartela.
Zinemaz aire zabalean gozatzeko aukera izango da uztaileko lehen hiru asteazkenetan Aizarnazabalen. Hirugarren urtez jarraian antolatu dute Zinea Kalean egitasmoa, eta gaur izango dute lehen hitzordua: Jose Mari Goenagak eta Jon Garañok zuzendutako 80 egunean filma emango dute, plazan, 22:00etan hasita.
Gaurkoa bezala, Zinea Kaleanen barruan emango dituzten beste bi filmak ere euskaraz izango dira: Asier Altunaren Amama, eta Arantza Ibarra eta Alfonso Arandiak zuzendutako Zigortzaileak, azken hori bereziki gaztetxoei zuzendutakoa. Emanaldi guztiak 22:00etan hasiko dira. Berrikuntza gisa, aurten saioetako bat, hilaren 11koa, Saiatz auzoko Ermitta plazan egingo dute; beste biak herriko plazan izango dira.
Hau da 2018ko Zinea Kalean egitasmoaren egitaraua:
Gaur, asteazkena:
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide