Zubialde industrialdeko zenbait langileak ateratako babes argazkia. (Urola Kostako LAB)
Aizarnazabalgo Zubialde industrialdeko hainbat enpresatako langilek Altsasuko auziko gazteei babesa agertu diete. Atzo, osteguna, atera zuten auziperatuei babesa helarazteko argazkia Zubialden, Altsasukoak aske! Utzi Euskal Herria bakean lelopean. Era berean, zortzi gazteen kontrako epaiaren aurrean "justizia exijitzeko" bihar Iruñean egitekoak diren manifestazioarako deia egin dute.
Hilaren 8an jakinarazi zuen Altsasu auziko epaia Espainiako Auzitegi Nazionalak. Guztira, 79 urteko kartzela zigorra ezarri die Altsasuko zortzi gazteei, "kalteak, desordena publikoa eta mehatxuak" eta "agintearen aurkako atentatua" delituak leporatuta. Apirilaren 16tik maiatzaren 4ra bitartean epaitu zituzten auziperatutako gazteak, 2016ko urrian taberna batean bi guardia zibilekin izandako liskar batengatik.