Jan Sano eta Bizi Pozik azokan parte hartzeko eman daiteke izena

Iazko Jan Sano eta Bizi Pozik azoka. (Hitza) Inguruko nekazariek eta artisauek hitzordua izango dute aurten ere Aizarnazabalen ekaineko lehen larunbatean. Jan Sano eta Bizi Pozik azokaren zazpigarren edizioa egingo dute bertan ekainaren 2an, eta azoka horretan parte hartu nahi dutenentzako izen ematea irekia du dagoeneko Aizarnazabalgo Udalak. Horrela, aurtengo Jan Sano eta Bizi Pozik azokan posturen bat jarri nahi duten nekazariek zein artisauek herriko udaletxera jo beharko dute, ondorengo bi telefono zenbakietako batera deituta: 943-89 70 53 edo 634 95 40 86 (Alkatetza).