Sanmielen harira bilera deitu du festa batzordeak gaurko

AIZARNAZABAL // Aizarnazabalgo Festa Batzordeak bilera deitu du gaur iluntzerako herriko festen antolaketari begira. Batzarra udaletxean bertan izango da, 21:00etan. Aizarnazabalgo Sanmiel jai kuttunak irail bukaeran ospatzen dira, eta horiek antolatzeko egingo da gaurko batzarra irekia, baita orain arte egindakoaren berri emateko ere. Herritar guztientzako irekia da, eta nahi dutenek parte hartzeko aukera izango dute.