Aizarnazabalgo Arraza Libreko VIII. Artzain Txakur Lehiaketa jokatuko dute bihar, 18:00etatik aurrera, eskolaren atzean. Artxate artzain txakur elkarteak eta Aizarnazabalgo Udalak antolatu dute txapelketa.
Aizarnazabalgo Arraza Libreko VIII. Artzain Txakur Lehiaketa jokatuko dute bihar, 18:00etatik aurrera, eskolaren atzean. Artxate artzain txakur elkarteak eta Aizarnazabalgo Udalak antolatu dute txapelketa.
Sei txakurrek parte hartuko dute biharko lehian, eta haietatik hiru eskualdekoak dira: Aizarnazabalgo Manuel Gorritiren Argi eta Nere eta Matxinbentako Pello Segurolaren Argi. Bestalde, Bittor Bengoetxearen Bat, Juan Ramon Azkargortaren Luki eta Jose Antonio Arrillagaren Txiki lehiatuko dira. Epaileak, berriz, Zarauzko Jose Luis Saizar eta Narruondoko Mikel Garaiar izango dira.
Gorritiren, Segurolaren eta Arrillagaren txakurrak dira faboritoak txapelketa irabazteko. Aizarnazabalgo Gorritiren Nere txakurrak, esate baterako, Gipuzkoako eta Euskadiko txapelketak irabazi ditu azken bi urteetan, eta badu aukera biharko saria eramateko.
Manuel Gorritiren arabera, "giro oso ona" sortzen da lehiaketaren inguruan, nahiz eta jende "gutxi samar" gerturatzen den. "Herri txikia izan arren, merezi du etortzeak, txapelketaz, giroaz eta txakurren erakustaldiaz gozatzeko", esan du Gorritik.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide