Jana, edana eta musika uztartuko dituzte datorren astean Aizarnazabalen

Datorren asteburuari begira, ekitaldi ugari antolatu dituzte Aizarnazabalen, jan eta edanaren bueltan. Ekainaren 6an, larunbatean, IV. Jan sano eta bizi pozik azoka egingo dute; bestalde, ekainaren 7an, igandean, edadetuen eguna ospatuko dute. Honako egitaraua prestatu dute Aizarnazabalekoek asteburu horretarako:

Ekainak 6, IV. Jan sano eta bizi pozik

Lau gune jarriko dituzte herrian, produktuekin, tailerrekin eta animaliekin. 1. Baserritarren produktuak, 26 posturekin. 2. Umeak Txokoa: buztina landuko da 3. Artisauen gunea, 11 posturekin. 4. Animalien gunea. Animali bereziak ere eramango dituzte. Egitaraua 10:00: Azokaren irekiera. 11:00: Poniekin ibilaldiak. 12:00: Idi dema. Altunako idi parea, Artabillako behiaren eta idiaren aurka. Ondoren: txotxa eta pintoak, DJ Jonen musikarekin. Azokan dauden produktuekin zozketa egingo dute egunean zehar.

Ekainak 7, edadetuen eguna

Egitaraua 12:30: Meza. 13:30: Uztarrin bazkaria, bertsolari eta trikitilariekin. Han omenduko dituzte Virginia Sambade eta Antonio Iriondo.