Meltxor, Gaspar eta Baltasar Errege Magoak bihar, astelehena, ilunabarrean iritsiko dira Aizarnazabalera. Gaiko Etxeberri aldetik abiatuko dute haiek desfilea 18:30ean, eta herriko kaleak zeharkatu eta gero, udaletxean egingo diete hiru protagonistei harrera. Udaletxetik frontoira joango dira gero, eta umeei harrera egingo diete. Ohi bezala, oparia emango diete 0 eta 9 urte arteko haurrei.
Errege Magoei eskutitza bidali nahi dietenek bihar 10:00etatik 18:30era izango dute aukera, udaletxearen azpiko arkupetan jarriko duten postontzian.