Espainiako Kopako finala jokatuko du datorren larunbatean Realak, Atletico Madrid taldearen aurka Sevillako (Espainia) La Cartuja zelaian, eta egun berezi horren atarian, motorrak berotzen hasi dira Aian. Hain justu, pasa den ostiralean arratsalde pasa ederra egin zuten herritarrek, Aiako Errealzaleak taldeak antolatutako festari esker.
Arratsaldean zehar, umeentzako jolasak izan ziren plazan, eta ondoren, elkarrekin batera kalejira musikatua egin zuten kalez kale, kamiseta txuri-urdinak soinean zituztela. Herri sarrerako ikurriñaren alboan, gainera, Realeko banderaren igoera egin zuten, eta jarraian, pilotalekuan eskuz egindako koparen altxatzea izan zen. Bertan izango da ikusgai aste osoan zehar. Festak ondoren iluntzera arte jarraitu zuen, triki poteo "txuri-urdina" egin baitzuten plazan.
Argazkiak: utzitakoak.