Aiarrek Animo filma ikusteko aukera izango dute ostiral arratsaldean. Kultur etxean izango da doako emanaldia, 18:30ean hasita. Familia, homosexualitatea eta egunerokotasuneko beste hainbat egoera aztertzen ditu Alex Tellok film honetan.
Telmo Irureta aktore zumaiarra da protagonista, eta “inklusioari beste buelta bat” emango diola azaldu du zinemagileak. Proiekzioaren ondoren, filmaren nondik norakoak kontatuko dizkie Tellok eta Iruretak ikusentzuleei.