Aiako III. Slaloma jokatuko dute bihar Ubegun industrialdean

Aiako II. Slaloma, iaz (Aritz Mutiozabal). Iaz bezala, aurten ere automobilismoko slalom proba jokatuko dute urteko azken egunean, Ubegun industrialdean. Ibilgailu parte hartzaileen egiaztatzeak egingo dituzte hasi baino lehen, 09;00etik 09:45era. Ondoren, 10:30 aldera emango diote hasiera probari; hasieran entrenamenduko bi txanda egingo dituzte, eta, jarraian, lehiako beste bi txanda. Momentuz, 22 autok eman dute izena Aiako III. Slalomean; tartean, Gorka Eizamendi aiarrak. Gipuzkoako Txapelketarako proba puntuagarria izango da, gainera.