Harri txikien Euskadiko lehia jokatuko dute Aian

AIA // Harri Txikien Euskadiko Txapelketa jokatuko dute igandean Aian, 18:00etatik aurrrera. Inhar Urruzuno ondarrutarrak, Aimar Irigoien errezildarrak eta Joxe Ramon Iruretagoiena Izeta II.ak gidatzen duen eskolako bi ikaslek, Iñigo Eizagirrek eta Jagoba Otaegik parte hartuko dute. 100 kiloko bolarekin, 112,5 kiloko kubikoarekin, 125 kiloko zilindroarekin eta 125 kiloko lauki zuzenarekin hiruna minutuko saioak egingo dituzte.