Emakumezko sega finala jokatuko da Aian igandean

Emakumezkoen Euskal Herriko Sega finala jokatuko da Aian igandean. (Birle Kirola Elkartea) Igande eguerdian Emakumezkoen Euskal Herriko Sega Txapelketa jokatuko da Aian. Lehia eguerdiko 12:00etan hasiko da, hilerri azpiko belardian, eta buruz buruko izango da. Irati Astondoa eta Alatzne Etxaburu segalariak izango dira aurrez aurre eta elkarren aurka arituko dira. 30 minututako denbora tartea izango dute bi parte-hartzaileek ahalik eta belar kilo gehien mozteko.