Eizmendi aiarrak eta Zabaleta bergararrak irabazi dute Aiako Igoera

Aitor Zabaleta txapelduna plaza bakarreko autoan. (Eduardo Maturana) Larunbatean jokatu zen Aiako VIII. Auto Igoera eta jendetza bildu zen Andatza auzoa eta Aiako herrigunea lotzen dituen ibilbidean zehar. Parte-hartzaileek bi mailatan banatuta jokatu zuten igoera; plaza bakarreko autoen mailan alde batetik eta turismoen maila bestetik. Gidari guztiek 3.780 metroko ibilbidea osatu behar izan zuten eta Aitor Zabaleta izan zen azkarrena 1:54.171 denbora eginda; bergararra plaza bakarreko autoen mailan txapelduna izan zen eta igoerako marka berria jarri zuen. Bestalde, turismoen mailan txapela Aian bertan geratu zen, Gorka Eizmendik BMW 3 autoarekin izan baitzen maila horretako azkarrena. Dena dela, aiarrak hiru segundu hamarreneko aldea atera zion bigarren sailkatu Joseba Beolari Aiako Igoera lau txandako lasterketa izan zen; lehenengo entrenamendu saioa egin zuten parte-hartzaileek eta ondoren hiru txanda gehiago jokatu zituzten. Hiru txandetatik denbora onena kontutan hartu zuten epaileek sailkapena egiterako garaian.