Aiako Auto Igoera jokatuko da bihar arratsaldean

AIA // Bihar arratsaldean Aiako Auto Igoera jokatuko dute Lagun-Artea taldeak eta Uhartemulo Kultur Elkarteak antolatuta. Aurten 62 parte-hartzaile izango ditu, eta 15:00ean hasiko da entrenamendu saioa. Ondoren, hiru manga ofizialak jokatuko dituzte Andatza auzotik Aiara bitartean. Ohi bezala, bi modalitate izango ditu igoerak: eserleku bakarreko autoena eta turismoena. Andatza auzoa eta Aiako herrigunea lotzen dituen errepidea itxi egingo dute 14:00etatik 20:00etara.