185 lagunek osatu dute gaur goizean Pagoetako parke naturalean atonduriko 15 kilometroko proba. Eguraldia lagun izan dute, baina bezperako euri zaparraden eraginez ibilbidea lokaztuta eta labaina aurkitu dute parte-hartzaileek. Edonola ere, hori ez da arazo izan Igon Manzisidor debarrarentzat, ezta Virginia Perez gasteiztarrarentzat ere. Biek ala biek alde politarekin iritsi dira herriko plazan kokatutako helmugara; Manzisidor bigarren sailkatua baino ia bi minutu lehenago, eta Perez ia minutu bat. Emakumezkoen bigarren eta hirugarren postua eskualdeko korrikalarientzat izan da: Sara Peña oriotarrarentzat eta Uxoa Irigoien getariarrarentzat, hurrenez hurren. Gizonezkoetan, Mikel Etxeberria izan da eskualdeko lehena, sailkapen orokorrean zazpigarrena. Sailkapenak eta denbora ofizialak
Kirolprobak.com atarian topa daitezke.
SAILKAPENAK
Gizonezkoak
1.- Igon Manzisidor (Deba) 01:10:58
2.- Endika Gartzia (Lasarte-Oria) 01:12:45
3.- Axier Alonso (Oñati) 01:13:43
Emakumezkoak
1.- Virginia Perez (Gasteiz) 01:29:58
2.- Sara Peña (Orio) 01:30:55
3.- Uxoa Irigoien (Getaria) 01:33:08
https://youtu.be/fNNnFPwb8Hw