Eduki hau partekatzeko esteka arbelera kopiatu da.
Ikuskizun polita eskaini dute gaur eguerdian Joxe Mari Atutxak eta Joxe Lapazaranek Aiako frontoian. Iparraldeko jokoen erakustaldia antolatu dute udalak eta Idi Proba Elkarteak, eta aurrena lastoa altxatzen aritu dira. 85 kilo altxatu behar izan dituzte lurretik 7 metrora. Lapazaran hasi da. 8 altxaldi egin behar zituen, eta ondoren Atutxak denbora bikoitza erabilita, 15. Gero ingudea altxatzea tokatu zaie. 18 kiloko tresna erabili dute. Atutxak 43 jasoaldi egin ditu 45 segundotan. Lapazaranek, berriz, 88 jasoaldi denbora bikoitza erabilita.
Ikusleei ere eman diete aukera ingudea probatzeko. Bateren bat ausartu da. Ondoren, Atutxak herriko alkatea konbentzitu du parte har dezan. Igor Iturain saiorako egoki jantzita zegoen, eta aritu da ingudearekin jasoaldi batzuk egiten.