Aiako Laurgain auzoan San Migel jaiak ari dira ospatzen gaur. Ohi bezala, Meza Nagusia egin dute lehendabizi, eta amaitutakoan auzotarrek hamaiketakoa egin dute Atseden-Toki elkartean. Ondoren, herri kirolen txanda izan da; Ernesto Ezpeleta Bihurri eta Ugaitz Mugerza aizkolariak aritu dira lehian, enbor bana zenek azkarrago moztu. Harri jasotzen, berriz, Agustin Landarbide aritu da, lau harrikin.
