Xabat-Xela bikoteak irabazi du 2025eko Zestoako Txokoko Pilota Txapelketa, finalean Manex eta Julen Txapeitarrak 30-18 mendean hartu ondoren. Hirugarren eta laugarren postuak erabakitzeko partida jokatu zuten finalaren aurretik, eta hor Oierrentzat eta Kixentzat izan zen garaipena, 30-21, Xoraren eta Anduren aurrean.
Hamalau bikote lehiatu dira aurten Zestoako esku pilota txapelketa herrikoian. Maiatzaren 22an hasi ziren jokatzen sailkapen faseko ligaxka. Txapelketa hasterako jakina zen txapeldun berriak izango zituela Txokoko txapelketak, aurreko urteetan nagusi izan zen Adonis-Aner bikotea ez zegoelako parte hartzaileen zerrendan. Sailkapen fasea, final laurdenak eta finalaurrekoak osatuta, Txapeitarrak partidarik galdu gabe iritsi ziren atzoko finalera, baina txapelketa osoan porrot bakarra izan duten Xabatek eta Xelak neurria hartu zieten partida erabakiorrean
Txapelketa osoan elkartu da ikusle ugari Gurutzeaga pilotalekuan, baina atzo are gehiago. Ikusmina, festa giroa, pilotariak hauspotzeko oihuak eta tanto onenak saritzeko txaloak nagusi izan ziren atzo Zestoako Gurutzeko aire zabaleko frontoian.