Jesus Egigurenek Memorias de un niño de caserio liburua aurkeztuko du datorren astean Zazpi kultur elkartean. Hilaren 25ean, 19:00etan, izango da saioa, eta berarekin batera ariko da solasean Felipe Juaristi kazetaria.
Egigurenek bere umetako hainbat bizipen bildu ditu liburuan. Aizarnako baserri batean jaio zen bera, hamar anai-arreben artean gazteena zen, eta ez zuten ur korronterik ere etxean. Besteak beste, Azpeitiko institutuan ibiltzeak, Arroako txabolan ibiltzeak, Parisera bizitzera joan izanak, zuzenbideko ikasketak ordaintzeko egin zituen lanek eta gaztaroan politikan hasi izanak, azken berrogei urte baino gehiagoko euskal politikako figura baten bizitza markatu zuten.