Lur Guenetxeak garaipenak eskuratzen jarraitzen du. Joan den asteburuan Sant Martí de Tousen (Herrialde Katalanak) Zailtasuneko Espainiako Kopako bigarren proba jokatu dute, eta 15 urtez azpikoetan bera izan da eskalatzaile onena.
Euskal Selekzioko hamalau eskalatzailek parte hartu dute proban, eta Geuenetxearen garaipenaz gain, Ines Allendek garaipen bikoitza eskuratu du, 19 urtez azpikoetan eta absolutu emakumezkoetan. Beste hainbat euskal eskalatzailek, berriz, finaletara sailkatzea lortu zuten, dominarik eskuratu ez arren.
Zailtasuneko Espainiako Kopako bigarren proba amaituta, denboraldiko azken hitzordua gelditzen da. Azken proba hori –aldi berean Zailtasuneko Espainiako Txapelketa izango da– irailaren amaieran jokatuko da, Caceresen (Espainia).