Harrera bikaina izan du Aizarnazabalen herri talde batek udalaren laguntzarekin antolatutako I. Mendi Martxak. 20 kilometro eta 1.068 metroko desnibel positiboko ibilaldi luzean 150 pertsonek irten zuten atzo, eta 8,6 kilometro eta 400 metroko desnibel positiboko ibilbide motzean 50 mendizale inguruk.
Ibilaldi liuzekoen irteera ordubete aurreratu zuten antolatzaileek, bero handia iragarrita zegoelako; beraz, 09:00etan irten beharrean, 08:00etan abiatu ziren mendizaleak. Ibilaldi motzaren irteera ordua mantendu egin zuten, eta 10:00etan atera ziren mendi martxa motzekoek.